அட பார்ரா ! டில்லிக்குப் போறாராம் கலைஞர்

ஈழத்தமிழர் கொல்லப்படும் போதெல்லாம் முதுகு வலியில் அவதிப்பட்ட கலைஞர் ..என்ன செய்வார் பாவம்... சோனியாவிற்கும் மன்மோகன் சிங்குக்கும் தந்தியடித்தார். அந்த வருத்தத்திலும் தந்தியாவது அடித்தாரே என்று திருப்திப்படாது குற்றம் சொல்லிக்கொண்டிருந்தவர்கள் பலபேர்.

இன்று தேர்தலில் வெற்றி பெற்று வெற்றிக்களிப்பில் திளைத்துக் கொண்டிருக்கின்றார். உடம்பும் மனம் போலத் தெம்பாக இருக்கின்றது.

ஆனால் ஈழத்தில் தான் எல்லாம் முடிந்து விட்டது.

என்ன செய்வது? கலைஞர் தயாராக இருக்கும் போது ஈழத்தில் பிரச்சினையும் இல்லை... பிரச்சினை தர மக்களும் இல்லை.. எல்லோரும் செத்துத் தொலைந்து விட்டார்கள்.

கலைஞருக்கு ஒரு சந்தர்ப்பம் தானும் கொடுக்காது அவசரப்பட்டு செத்துத் தொலைந்த இவர்களை எண்ணெய்க் கொப்பரையில் போட்டு வறுக்க வேண்டுமென்றுதான் சபிக்கத் தோன்றுகின்றது. அப்படியென்ன அவசரம்? இன்னும் கொஞ்சக்காலம் உயிருடன் இருந்து குண்டுகளைத் தாங்கிக் கொள்ள முடியாதா..என்ன?

பாவம் கலைஞர் போராட "மக்கள் பிரச்சினைதான் "இல்லை ...பிறகேன் டில்லிக்கு..கலைஞருக்குத்தான் வெளிச்சம்..

கலைஞரின் சாணக்கியம் பற்றி கொண்டாட கண்மணிகளுக்கு ஒரு சந்தர்ப்பம். ஒரு பத்துப் பதிவாவது எழுதிக்கிழிக்க மாட்டார்களா?


குறிப்பு:

தில்லி செல்கிறார் கருணாநிதி



சென்னை, மே 16- தமிழக முதல்வர் கருணாநிதி நாளை மறுநாள் தில்லி செல்கிறார்.

காங்கிரஸ் தலைவர் சோனியா காந்தி, பிரதமர் மன்மோகன் சிங் உள்பட சில கூட்டணிக் கட்சித் தலைவர்களையும் அவர் சந்தித்துப் பேசுவார் என்று தெரிகிறது.

நாடாளுமன்றத் தேர்தலில் காங்கிரஸ் கூட்டணி பெரும்பான்மையை பெற்றுள்ள நிலையில், அடுத்து அமைக்கப்படும் அமைச்சரவை குறித்தும் அவர்களுடன் ஆலோசிப்பார் என தெரிகிறது