அழகிரி வடைகறி ஆன கதை

நம்ம அப்பி ஒரு பதிவு போட்டிருக்காப்ல. உலக மகா முக்கியமானது அந்தப் பதிவு.பேட்டை ரவுடி ..நாட்டு ரவுடி ஆகும் முஸ்தீபு அது... டில்லி வரை ரவுசு விட ஆரம்பிக்க...ஹைய்யோ ஹைய்யோன்னு கைதட்டல் ஆரம்பிச்சாச்சு... விசிலடி வேறு..

தனிப்பெட்டி போட்டு காலேஜிப்பசங்க ஊட்டுக்கு வாராங்க அதிரடி ஒண்ணு. அப்படியே மதுரைய மீட்ட சுந்தர பாண்டியன் வன்னிப்பக்கமும் ரயில விட்டு முகாமில இருக்கிர மக்களையும் மீட்டு வந்தா நல்லா இருக்கும்.அவ்வளவு துன்பத்தில நொந்து போயிருக்காங்க.

நம்ம கருப்பு கண்ணாடி கழட்டாத கலைஞரு பூங்காவுக்கு நாடா வெட்டிக்கிட்டிருக்காரு.. நாடா எல்லாம் கிடையாது... காலில் எழுந்து நிற்க முடியா தள்ளாமையிலும் காரில் உட்கார்ந்து ரிமோட்டில் ஓபனிங் செய்யுராரு... பொக்கரானில் குண்டு போட்ட கலாமு வீட்டிலிருந்தே ஓபனிங் செய்யும் வசதிகளைச் செய்து கொடுத்தால் நன்றாகவிருக்கும்..

இனி கார் வரை நடந்து செல்ல முடியாவிட்டாலும் கடைசி வரை முதல்வர் அவர் தானே.. அவருக்காக இது கூட செய்ய முடியாத விஞ்ஞானிகளா ஏரோ பேஸில ராக்கட் விடப்போராங்க..

அப்புரம்.. 40 க்கு 40 நாறிப்போனதால் ஜெயலலிதா அடிப்படை மெம்பர் கார்டு வித்துக்கிட்டிருக்காங்க. அடுத்த தேர்தல் வரை கொரநாட்டில போய் ஓய்வு எடுப்பதைத் தவிர அவுங்களுக்கு வேலையே இல்லாததால சுய வேலை உருவாக்கிக்கிட்டு இருக்காங்க.. சுய வேலை வாய்ப்புத் திட்டம்.. ம்.ம்.. உட்கார்ந்து யோசிக்கிராங்க..

அடுத்தது நாற்காலி காலியாகாது போக ஸ்டாலின் நச்சரிப்பு தாங்காம துணை நாற்காலி போட்டு கொடுத்திருக்காங்க.. நம்ம சார்லஸு இத்தனை படு கிழடு ஆகியும் இன்னும் இளவரசர் தான்.. மன்னர் ஆகாமலே இறந்து போகப் போகிரார். அம்மா அசைந்து கொடுக்க மாட்டேங்கிராங்க...இதை எலிஸபெத் கிட்ட இருந்து க.க.க.க.க கத்துக்கிட்டாரா(அட எத்தனை க...கருப்பு கண்ணாடி கழட்டாத கலைஞர் கருணாநிதி...)அல்லது க.க.க.க.க விடமிருந்து எலிஸபெத்து அம்மா கத்துக்கிட்டாங்களா?

இதே போக்கில் போனால் நம்ம அழகிரியும் ஒரு இணை நாற்காலி போட்டு பக்கத்திலேயே உட்கார வேண்டியது தான்..

இருக்கப்பட்ட அமைச்சர்களிலேயே மம்தா தான் ஏழை அமைச்சராம்..சில லட்சம் ரூபாதான் சொத்து வைச்சிருக்காங்களாம். அடுத்த தேர்தலுக்கு இடையில் கோடீஸ்வரி ஆகிடுவாங்களாம். ரயிலில போர நம்ம காசுதான் அவங்களைக் கோடீஸ்வரி ஆக்கப்போகுது..

இந்த அப்பா மகன் பாசம் ந்ம்மாளுங்களுக்கு மேலா வட நாட்டிலும் இருக்கு.. சிபு சோரன் தன் மகனின் கடைசி ஆசையை நிரைவேத்தப் போறாராம்.. அட இந்த அரசியலில இருக்கிரவங்க 'மக்கள்'னா தன் சொந்த மக்களையே நினைச்சுக்கிராங்க..

அழகிரிக்கும் அடிப்படை மெம்பர் காட்டு விற்கும் திட்டம் இருக்கான்னு கேட்டுச் சொல்லுங்க... நானும் ஒரு துண்டைப் போட்டு இடம் பிடிக்கத்தான்... "நம்ம" எதிர்காலம் அங்க தான் இருக்கு... க.க.க.க.க விற்கு பிறகு அழகிரி வடை கறி தான் அதிகம் விற்கும்.

எழுதி வெச்சுக்குங்க ஸ்டாலினை எல்லாம் நாடு கடத்தி விட்டு அழகிரி அண்ணாச்சி அசராம அடிப்பாரு... நம்ம எம்.ஜி.ஆர் மாதிரி சத்துணவிற்கு முட்டை கொடுக்கிர மாதிரி ..எல்லாம் புஜ பல பராக்கிரமந் தான்.

ஸ்டாலின் அவுரங்க சீப்பா மாறி சாஜகான் போல க.க.க.க.க வை வீட்டுக் காவலில் வைத்து ஆண்டால் தான் உண்டு.. அப்புறம் எல்லாம் அழகிரியின் வடை கறி தான்... அப்பா.. இப்பவே வாசனை மூக்கைத் துளைக்கிரதே...