சோதா இந்தியாவும் தாதா இஸ்ரேலும்

நடக்குமென்பார் நடக்காது நடக்காதென்பார் நடந்து விடும். பல விடயங்கல் வாழ்க்கையில் இப்படித்தான் ஆச்சரியம் ஏற்படுத்துகின்றன.எதிர்பாராத இடங்களிலிருந்தும் உதவிகள் வந்து கொட்டும். ஈழத்தில் சிங்களப் பேயாட்சி கட்டவிழ்த்து விட்டிருந்த இனப்படுகொலை அராஜகமானது அநீதியானது என்பதை அனைவரும் ஏர்றுக்கொள்ளத் தொடங்கி விட்டனர். அத்தனை தூரம் அந்தக் கொடுமைகள் மூடி மறைக்க முடியாதளவு விசுவரூபம் எடுக்கத் தொடங்கியிருக்கின்றது.

21 ஆம் நூற்றாண்டின் மிகப்பெரிய மனிதப்படுகொலையாக இது நிகழ்ந்து முடிந்திருக்கின்றது. எத்தனையோ தடைகளையும் மீறி பிரித்தானியாவினதும் டென்மார்க்கினதும் பெரு முயற்சியில் சிங்களச் சிறிலங்காவிற்கு எதிரான விவாதம் ஐ.நாடுகள் மனித உரிமைச் சபையில் இன்று நடக்கின்றது.

17 நாடுகளின் ஆதரவை பல முயற்சிகளின் பின்னர் டென்மார்க் வென்றெடுத்திருக்கின்றது. இதில் மாக்ஸிஸ பேராளர்களோ அகிம்சாவாதிகளோ இப்படுகொலைகளுக்கு எதிராகக் குரல் கொடுக்கவில்லை என்பது தான் ஆச்சரியமானது. அதுவுமல்லாது படுகொலைகளைப்புரிந்த பேயாட்சியைக் காப்பாற்ற முட்டி மோதிக் கொண்டிருக்கின்றன.

அகிம்சையின் தேசம் அண்ணன் இந்தியா தன் எதிரிகளான சீனா,பாகிஸ்தான் போன்றவற்றுடன் கைகோர்த்து பாசிச சிங்களப் பேயரசை கட்டிக்காக்க முன்னிற்பது உலகத்தின் ஒன்பதாவது அதிசயம்.

அகிம்சை தேசம் உலகின் பெரிய ஜனநாயக(?) நாடு ...தன் உண்மை முகத்தைத் தோலுரித்திருக்கின்றது. அந்தச் சாதனையைச் செத்தும் செய்திருக்கின்றார்கள் ஈழத்தமிழ் மக்கள். இந்தியா, பாகிஸ்தான், ரஸ்யா, சீனா, கியூபா, எகிப்து, சவூதி அரேபியா, நிக்கரகுவா, பொலிவியா என்றவாறு இந்த ஓநாய்கள் கூட்டம் சிங்கள வெறிநாய் அரசை பாதுகாக்க சுர்றி நின்று ஊளையிடுகின்றன.

இந்த அநியாயத்தை தட்டிக்கேட்க மனித நேயத்தைக் காக்கும் எந்தவொரு உள்நாட்டு வெளிநாட்டு அமைப்புகளும் முன்வரவில்லை.

ஆனால் யாராலும் இதுவரை ரசிக்கப்படாத ஒரு நாடு முன்வந்திருக்கின்றது. அது தான் இஸ்ரேல்.


//சிறிலங்கா அரசாங்கத்தின் படை நடவடிக்கை தொடர்பாக ஐக்கிய நாடுகள் சபையும் உலக சுகாதார நிறுவனமும் விசாரணைகளை நடத்தவேண்டும். அதற்கான குழுவினரை அவர்கள் அனுப்ப வேண்டும்.

உலக சுகாதார நிறுவனத்தின் தலைமைப் பொறுப்பை சிறிலங்காவுக்கு வழங்குவதை எதிர்த்துள்ள இஸ்ரேல், சிறிலங்கா மீது அனைத்துலக விசாரணைகள் மேற்கொள்ளப்பட வேண்டும்// எனக் கோரிக்கை விடுத்திருக்கின்றது.

மனித உரிமைகளை அதிகம் மதிக்காத இஸ்ரேலின் இதயத்தையே நொருக்கி நெகிழ்வடையச் செய்த இக்கோரக் கொலைகள் சமதர்மக் காப்பாளர்களையும் அகிம்சையின் முகமூடிகளையும்
மனம் நெகிழ்ந்தே கொடுக்கச் செய்யவில்லை.

இன்னும் சொல்லிக்கொள்வோம் உலகின் பெரிய ஜனநாயகம், மனித குலத்தை மீட்க வந்த மாக்ஸிஸம் என்று. காட்டு மிராண்டிகள் கூட இவ்வளவு தன் மனித இனத்தைக் கொண்டு போட்டிருக்க மாட்டார்கள். ஆனால் நாகரீக வேஷம் போட்ட நாங்கள் இதுவும் செய்வோம் இதற்கு மேலும் செய்வோம்.