"குமுத"த்தின் போக்கிரித்தனம்

"இந்த நாட்டின் சட்டத்தில் நீதி கிடைக்கும் என்று தமிழ் மக்கள் எதிர்பார்க்க முடியாது. இலங்கை முகாம்களில் இடம்பெயர்ந்திருக்கிற தமிழ் மக்களின் துன்பங்களைச் சொற்களால் விளக்க முடியாது'' இப்படிப் பட்டவர்த்தனமாகச் சொல்லியிருப்பவர் இலங்கைத் தலைமை நீதிபதியான சரத் என். சில்வா.

"வெற்றியால் மகிழாமல், பாதிக்கப்பட்ட மக்களின் காயங்களுக்கு மருந்திடுங்கள்" என்கிறார் இலங்கை சென்று வந்தவரான ஐ.நா. பொதுச் செயலாளர் பான் கீ மூன்.

பிரிட்டனும், ஐரோப்பிய நாடுகளும், சர்வதேசப் பத்திரிகையாளர்களும் இலங்கையில் கொத்தாக நடந்த இனப் படுகொலைகளுக்கு எதிரான குரலை உயர்த்தியிருக்கின்றன. இலங்கையில் நடந்த கொடூரங்களைத் தாங்கமுடியாத சிங்களப் பத்திரிகையாளர்கள் கூடக் கடுமையாக மிரட்டப்பட்டிருக்கிறார்கள்.

ஒன்றரை லட்சம் தமிழ்மக்கள் சொந்த நாட்டில் மிகக் கேவலமான முறையில் வீடற்றவர்களாக முகாம்கள் என்கிற பெயரில் திறந்தவெளி சிறைச்சாலைகளில் வதைபடுகிறார்கள்.

விடுதலைப் புலிகளின் முக்கியத் தளபதிகள் தந்திரமாக அழிக்கப்பட்டிருக்கிறார்கள். ஈழக் கனவு கண்டதற்காக அவர்களுடைய பார்வையை மட்டுமல்ல, உயிரையே பறித்திருக்கிறார்கள். தமிழ் இனம் கண்ட அவலங்களின் உச்சம் - சமீபத்திய இந்த ஈவு இரக்கமற்ற படுகொலைகள்.

பன்னாட்டு ஆதரவுடன் நடந்த இனப்படுகொலைகளுக்கு எதிரான விசாரணையை இன்னும் யாராலும் துவக்க முடியவில்லை.


தன்னாட்டு (இந்தியா)ஆதரவுடன் குரூரமாக நடந்தேறிய தமிழர் படுகொலையை "பன்னாட்டு" என்ற முகமூடியைப்போட்டு இந்தியாவைக் காப்பாற்ற வெளிக்கிட்ட குமுதத்தின் நயவஞ்சகத்தைத் தமிழ் மக்கள் புரிந்து கொள்ள வேண்டும். ஈழத்தமிழ் மக்களின் படுகொலையில் இந்திய ஆயுதங்களும் இராணுவமும் இந்தியஅரசும் அதன் நரித்தந்திரங்களும் எவ்வகையில் செயல்பட்டிருக்கின்றது என்பதை உலகமே அறிந்து கொண்டிருக்கின்றது. ராஜபக்ஷே சகோதரர்கள் மீது கொண்டு வரப்படும் பகிரங்க விசாரணையில் பல திடுக்கிடும் தகவல்கள் வெளிவரும். அதில் இந்தியாவின்"கை" எத்தனை தூரம் இப்படுகொலைகளை முன் நின்று நடாத்தியது என்பதை அறிந்து கொள்ளலாம். இதனை வெளி வராது தடுக்கவே என்ன விலையை என்றாலும் கொடுத்து சிறிலங்காவைக் காப்பாற்ற இந்தியா முயன்று கொண்டிருக்கின்றது. இல்லாவிட்டால் உலக நாடுகளே சிறிலங்காவின் மனிதப்படுகொலைகளைப் பகிரங்கமாகக் கண்டிக்கும்போது இந்தியாவிற்கு ஏன் இந்த அக்கறை என்ற கேள்வியைக் கேட்டுப்பாருங்கள்.

இந்தியாவின் பங்களிப்பில் காங்கிரஷின் சோனியா முதற்கொண்டு "பசி" தம்பரம், சிவசங்கர மேனன், நாராயணன் வகையறாக்களின் நேரடிப் பங்களிப்பு பற்றிய திடுக்கிடும் உண்மைகள் வெளிவரும். அது இந்தியா இதுவரை உலக அரங்கில் உருவாக்கி வைத்திருக்கும் நற்பெயரை மண்ணோடு மண்ணாக்கி வைத்திருக்கும். இந்தியாவின் குணாம்சத்திற்குப் பொருந்திவராத போக்கிரித் தலைவர்களைக் கொண்டிருக்கும் இக்காலகட்டம் இந்தியாவிற்கு மிகவும் துரதிர்ஷ்டமானதே.

காங்கிரஷின் துர் நடத்தைகள் அனைத்திற்கும் தலையை ஆட்டி தன் பணப்பையை மட்டும் தமிழர்களின் இரத்தம் நனைந்த பணத்தினால் நிறைத்துக்கொண்ட கருப்புக்கண்ணாடி கழட்டாத கருணாநிதியையும் அதன் ஆட்சியையும் காப்பாற்ற நினைக்கும் "குமுதம்" பத்திரிகாதர்மத்தைக் குழி தோண்டிப்புதைத்துள்ளது.

முடிந்தால் நேரடியாகவே கேட்டுப்பார்க்கலாமே.." கருணாநிதியே ...இத்தனை இலட்சம் ஈழத்தமிழர்களும் கொலைசெய்யப்படும் போது நீ என்ன செய்து கொண்டிருந்தாய் ..? "என்று.